Herzlich Willkommen !

auf der Webseite der Guggenmusik Elbisrugger


Summernews

Mir si ins 41. Vereinsjoor vo de Elbisrugger gstartet und gärn händ mir nomol
uf unsi Jubi-Fasnacht zrugg gluegt und vorallem uf dr’Fasnachtssuntig.

De händ mir mit 35 ehemalige Elbisrugger vrbrocht. Es isch schlichtweg es
eimoligs Erläbnis gsi und alli händ sehr gspannt de altä Gschichte zuglost.
Ufem Züghusplatz, wo 75 Elbisrugger dr’Sailing gspielt händ, het denn gläb
jede und jedi Gänsehut gha.

Oft isch e GV mit Vränderige vrbundä und so hets au zwei Wächsel im Vorstand geh.
D’Sandra het dr’Rüchtritt als Presidentin geh. Sie isch die ersti
wiblichi Presidentin gsi und mir sind sehr froh, dass sie mit ihrer ufgstellte und kreative Art em Verein erhaltä blibt.
Dr’Zweili het nach 12 Joor Elbisrugger und drvo 4 Joor als Major dr’Rücktritt geh
und sis Amt zur Verfügig gstellt.
Härzliche Dank euch zweinä für eure unermündliche Isatz bi de Elbisrugger.

Neu isch dr’Antonio Sahin President und dr’Kevin Thommen Musikalische Leiter.
Mir wünsche euch für eures Amt vill Freud und Energie ;-) und freuä uns uf
die witere Joor mit euch.

Leider händ das Joor sechs Mitglieder dr’Ustritt geh. Mir möchte uns an dere
Stell nomol ganz herzlich bedanke für euri Zyt bi de Elbisrugger.
 
Dir wüsset jo „ei mol Elbis immer Elbis“ ;-)
-    Bill Yves
-    Brunner Rahel
-    Christen Roger
-    Riggenbach Nicole
-    Wyss Oliver
-    Zweili Christoph

Mir freuä uns euch unseri acht Neumitglieder vorstellä und freuä uns sehr euch in de negstä Probe und im Vereinsjoor no besser kenne z’lernä.
 
Härzlich willkomme bi uns
-    Alemano Alessio
-    Bignotti Raul
-    Fluri Jasmin
-    Glanzmann Jessica
-    Leupin Marina
-    Mohler Fabian
-    Rüegger Rana
-    Völlmin Nicolas

Am Samstig gönge mir no uf Reisä und si gspannt wo dr’Edi und dr’Mäni
uns hi führe uf unserer Cliquereis.
Voller Freud starte mir Mitti August mit de Probe.

Mir wünsche euch allne e schöne Summer
Euri Elbisrugger


Elbisrugger - News

  • Neumitgliederprobe
    Möchtest auch Du nächstes Jahr aktiv Fasnacht machen? Spielst du bereits ein Instrument oder bist du bereit es zu lernen? Am Montag, 20. März um 19:00 Uhr findet unsere unverbindliche Neumitgliederprobe statt. Da erfährst du alles über die Elbisrugger und lernst die Mitglieder schon das erste Mal kennen. Melde dich…
    Geschrieben am Sonntag, 19 Februar 2017 23:58
More